AZALI ASSOUMANI
UTSITRE HAMUBAWE NA MANA
HUYI RUMU RIYI HUNDRU MAANA
HURONESA WUKA WE DHWAMANA
WE MWANDZANI MWEMA WO DUNGANA
ZOWAFAGNA ZIBAKI ANLAMA
OWADJAWO NGWADJO UZISOMA
YENTSI HUYI SHIZA NGAMA
SULUHU YA TWAYIFA YISIMAMA
YELE TUMO LIKA LIBARIKI
LAVANI YIKA YILAWA DHIKI
ZAMBWA BAHATI SHA YIRIDIRIKI
NE MADJUWA ANKIBA WAHU WAFIKI
WOMSOMO KUDJA UDIWAZA
FANI ZA DJUWU HUZI YENDJEZA
WA NKURA NTSINI HUWA KINAZA
NANO WENDZA HINDRU KWADJA YIVURIZA
WO UNONO RIYANDISO UHISI
PVWE MALALAWO WAYAHANTSI RAHISI
MOLA DUWANI YATSI TRILWA HASI
SHA OWATRA NDZIBWA NDO WAHE ZE FARMASI
TRURU LA MANGA LIRI TSENGELEYA
SIMU ZA MHONONI HUZI TSAMIYA
YEMA WASWILIYANO YA YENEYA
ZE TIC HOLA DUWANI HUZIBULIYA
HOWA YESHELEYAWE RIKA HIDZANI
BAHATA VOIDJUO YIKA YIDUKUNI
MONTERA SITA ZIDJA AVIONI
NORI WUNIHE RINDJIYE WEWUNI
RAIS TAKI HANENE KUDJA ZILATSA
YE MTCHINA HADJA RIZIDI NTSA
YE TELEVISION WENDE WAYI PATSA
NGAYIDJO HENEYA YEZE NTSANANTSA
DJUMBA DJEMA HAHAYA HUZIWANIYA
PVO YE MWANDZANI MTCHINA YAHUKUBALIYA
NANE ASECNA YIRI RWALIYA
ZANA ZAWANA NEMABAYA
SHIRIKA LA DOLA LITRUNGIHA
SNPSF YIBURAYIHA
YE MDRWAHAZI NGUDJUWO UYEHA
NAWU PATSIWA YEKA HASHINDIHA
YIZO HAZI NDO ZAKA UTRUNGIHA
DJE FADC PVOYATSUKA USIWUHA
LIKOLI NA PARE ZIKA UFAGNIHA
UBURE MWINDJI WUKA USHASHIHA
YE MASHABABI KWADJA LATSA TRURU
ZENTSI DJIRANI WAZI RENGEYA DURU
HUWAPVEHA FIFA WA YENDJEZA NURU
WAROWOHA YE MARONGO KWATSINA MABIRU
MDRU MSHE MKOMORI KADJA REHA NANTSI
BAHENDE WAKALA WAHO WANANTSI
HUZI KUBALI PVO WAKANA YENTSI
WAKA MONGOZI WAHE MAHEZANTSI
OWUTAMADUNI UHUNDRU THAMANI
HUTUKUZA RANDZI WANDISA ZAMANI
KUDJA DIWAZA OWADJA GNUMENI
HASWA YEMI GODRO YOMASIWANI
YE FESNACO YIKA HIRIZI
YIHA SHIRISHA HAYINI MBANDZI
RANDZI WAHE ZE ANLA ZA GNIZI
OWAPVAHATSAWO NOWAHE MAVAZI
YE MATRANGAZO YAKANA USO
YA HUREME KUDJA SIGNO WUSO
ROWA TRANGAZADJI WAYEZWA WUSO
ROWA WURENGA PVATSINA KESO
KUDJA RANTSI UWA HISHIMU
NA UWALALIKA OPVAKA MUHIMU
SHA RANDZI YE ADHANA HODJA HOKIMU
WALI ILKI RANDZI HURI YE SALAMU
YE DAWULA KUDJA YIRA MDJUMBI
HUYI DHWAMINISHA RAIS SAMBI
HAWU PVENUFU PVATSINA KUMBI
HAWUKA WEKUDJI URENDA MBI
HUYI RUMU HAWUMAKINIFU
RE MUNGWANA HUDJA YE SHARIFU
HAYINI MWANTSI NGUTSO HUSWIFU
HUKA HWENDA NGODJO RIANFU
MCHINDZI WA MAYENDELEYO NDE CRC
NGAPVO WAFIKIRI SIMBE ZAMBISE
WARITRA PASHENI WARI MARUSE
NA NDZIZIMANI HARI RIWA WUMBISE
UWATWANIYA RI UWONESA
KEDJAKA KAPVATSI WANA MAKOSA
SHATSI MADZIRO DJOWA RIROTSA
WABADILI YENTSI HAWANA MAPESA
RIKUBALI WUKA AZALI WE MONGOZI
PVO WASTEHI WARANTSI YE ENZI
SHA PVO WATSO VUKA NA MONGONGUZI
NGODJO RILOYIYA TSENA BAWE MLOZI
WE MPOLE WE MKINAYIVU
PVO WATSU WONESA HATA USHIPAVU
MAHAKUME HUBAKI MTRULIVU
NGARI HU VOTIYO TSENA HANTSI NAMA BAVU.
M. Ibrahim Said Ali Felix
Powered by Comores infos
